प्रिन्टिङ प्याक इण्डियामा कास्कीबाट २७ जना मुद्रण व्यवसायी सहभागी हुने

पदम श्रेष्ठ

अन्तराष्ट्रिय स्तरको १४ औं प्रिन्टिङ प्याक इण्डियामा कास्कीबाट २७ जना मुद्रण व्यवसायी सहभागी हुनेभएका छन्। 

इण्डिया एक्स्पो सेन्टर नोइडाको आयोजनामा भएको उक्त कार्यक्रम एनसिआर डिल्लीमा हुनेछ। फ्रेबुअरी २ बाट ६ तारिक सम्म हुने उक्त एक्स्पोमा छपाई सम्बन्धि नयाँ नयाँ प्रविधिका आधुनिक मेशिनहरु राखिने छन्। 

मुद्रण व्यवसायी संघ कास्कीको प्राविधिक सहयोगबाट उक्त कार्यक्रममा सहभागीहुनको लागि ईच्छुक मुद्रण व्यवसायीहरुलाई जानकारी गराइएको थियो। 

उक्त कार्यक्रममा सहभागी किन र केका लागि भन्ने विषयमा प्रस्ट पार्दै कार्यक्रमका संयोजक चिन्तामणी बास्तोलाले प्रविधिको विकास र विस्तार आजको आवश्यकता भएको र नयाँ नयाँ मेशिनरी सामाग्रीबाट नेपालमा पनि छिटो छरितो, स्तरीय छपाईको आवश्यकतालाई मध्यनजर राखी व्यवसायीहरुलाई उक्त एक्स्पोमा जानुपर्ने आवश्यकता रहेको जानकारी दिएका थिए। आवतजावतमा सहजहोस् भनी ३ जना टिम लिडर समेत राखिएको बताएका थिए।

त्यसैगरी मुद्रण संघ कास्कीका अध्यक्ष पदमलाल श्रेष्ठले २ वर्षमा एकचोटी हुने यो एक्स्पोले दक्षिण एसियामा नै नयाँ आयामको सुरुवात गराएको छ भने एकै समयमा सम्पूर्ण प्रिन्टिङ सम्बन्धि जानकारी पाइने भएको हुँदा हामी सम्पूर्ण नेपालीहरुलाई यसले प्रत्यक्ष सकरात्मक प्रभाव पार्ने देखिन्छ। त्यसकारण सम्पूर्ण आफ्नो व्यवसाय सुदृढिकरण गर्नेको लागि यस एक्स्पोमा जानुपर्ने जानकारी दिएका थिए।

उक्त कार्यक्रममा सहभागीहरु माघ १७ गते विहान ६ बजे पोखराबाट गन्तव्य तय गरि १८ गते काठमाण्डौंबाट दिल्ली गई पुन २४ गते नेपाल फर्कने मुद्रण व्यवसायी संघ कास्कीका उपाध्यक्ष गिरबहादुर श्रेष्ठ (किरण)ले जानकारी दिएका थिए। भारतीय मुद्रण, प्याकेजिङ र संबद्ध मेशीनरी निर्माताहरु एसोसिएशन (आईपीएमए), १९८८ मा स्थापना भएको थियो र १९९१ मा दिल्ली मा दर्ता भएको थियो। आईपीमा एक स्वतन्त्र संगठन भएकोले मुद्रण, प्याकेजिङ र अलाइड इंडस्ट्रीज को छिटो र बदलिदो बजारिकरणलाई मध्यनजर गर्ने गर्दछ। आइपिएएमए नयाँ दिल्ली को राजधानीमा एनओआइडिएमा अल्ट्रा आधुनिक सुविधाहरुसंग यसको आफ्नो विशाल भवन देखि संचालित रहेको छ।

सिमेन्ट वालुवा वोक्ने यात्रुवस कार्वाहीमा

सराङकोट साप्ताहिक

यात्रु वसमा सिमेन्ट वालुवा वोकेको भन्दै यात्रुले गुनासो गरेपछि कास्की ट्राफिकले २ वटा वसलाई कारवाहीको सिफारिस गरेको छ । सोमवार दिउँसो पोखरावाट आर्थर डाँडाखर्क जाने वस र दरौं सिरुवारी जाने वसमा सिमेन्ट, वालुवा र सटिङका काठहरु हालेर गइरहेका वसलाई छोरेपाटन स्थित ट्राफिक प्रहरी पोष्टले फेला पारेपछि कारवाही प्रकृया अगाडि वढाइएको छ।

वसमा सवार यात्रुले निर्माण सामग्री हालेको कारण असहज महसुस गरी सराङकोट साप्ताहिकलाई गुनासो गरेका थिए । यात्रुको गुनासो वारे यथार्थ छानविन गर्न ट्राफिक पोष्टलाई जानकारी गराए लगत्तै ट्राफिकले वस रोकेर चेक जाँच गर्दा भवन निर्माण सामग्री लोड गरिएको अवस्थामा फेला परेका थिए । यात्रु वसमा लादिएका १५ वोरा सिमेन्ट १५ वोरा वालुवा , छड र सटिङका समान झारेर वसलाई गन्तव्य तर्फ पठाइएका र कागजपत्र नियन्त्रणमा लिएर आवश्यक कारवाहीका लागि यातायात पठाइने कास्की ट्राफिक प्रमुख इन्सपेक्टर मुरारी मिश्रले वताए ।

सवारी तथा यातयात सम्बन्धि नियमानुसार प्रयोजन विपरित काम गर्ने सवारीलाई पाँच हजार रुपैयाँ जरिवाना हुन सक्ने कानूनी व्यवस्था छ । त्यसका अलावा सुरक्षा खतरा अन्तर्गत पनि कारवाही हुन सक्ने अवस्था आउने ट्राफिक प्रहरीले वताएको छ । उक्त कानून वमोजिम कारवाही भएमा ३ महिनासम्म वाटो इजाजत पत्र निलम्वन हुन सक्ने वताइएको छ ।

यात्रु वाहक सवारीले पैसा कमाउन समान वोक्ने, ट्रक, ट्याक्टरहरुले मान्छे वोक्ने, ट्रकले घुम्ती रेष्टुरा चलाउने, भ्यानले कपडा पसल चलाउने जस्ता कार्य प्रयोजन विपरित संचालन भित्र पर्छन् । ट्राफिक प्रहरीले यस्ता गतिविधि नियन्त्रण गर्न चेक जाँच कडाई गर्न जरुरी देखिन्छ ।

मापदण्ड मिच्नेलाई संरक्षण

यदुनाथ बञ्जारा

पोखरा महानगरपालिका पटक पटक विवादमा आइरहने स्थानिय सरकार हो । पर्यटकीय सहर पोखरा प्रचुर सम्भावना वोकेको शहर हो । यसको योजनावद्ध विकास र विधिका शासन स्थापित गर्ने गराउने तर्फ सरोकार वाला समुह जवाफदेही वन्न जरुरी छ । 

पोखरालाई व्यवस्थित सहर वनाउने भन्ने वित्तिकै यहाँको भौतिक विकासको कुरा आउंछ । भौतिक निर्माण लाई योजनावद्ध विकासको खाकामा राख्ने काम अव ढिला भइसकेको छ । वचेखुचेका जग्गा जमिन पनि कंक्रिटको शहर वन्न वलिवेदीमा चढिसकेका छन्, भौगोलिक रुपमा कमजोर मानिएको पोखरालाई ठाउँ अनुुसारको विकासको आवश्यकता रहेको छ । 

पटक पटक गरिएका सर्वे र मापदण्ड निर्धारण कार्यदलको नतिजा परिणाममुखी हुन सकेको छैन । जननिर्वाचित सरकारको गठन गरेको शहरी मापदण्डका संयोजक डा. भरतराज पहारी आफु र आफ्नाहरुको पृष्ठपोषण हुने गरी प्रतिवेदन ल्याउँदा ल्याउँदै भ्रस्टाचारमा मुछिए । उनले लेकसाइडका घर अग्ला वनाउन केन्द्रीत देखिए । यसवाट समग्र पोखरा र आम पोखरेलीको हित देखिएन । त्यसपछि वनाइएको कार्यदलले सेती गण्डकी भन्दा फिर्के र कुलौरीको मापदण्ड वढाएर जनता हसाउँने काम मात्र गरेको छ । निति नियम वनाउने सहर व्यवस्थित पार्नेहरुवाट पोखरालाई खतरा रहेको छ । स्थानिय तहको सरकारको अधिकार क्षेत्रमा केन्द्रीत सरकार र प्रदेश सरकारको हस्तक्षेप वढेको छ। मापदण्ड सम्वन्धि कानुन विपरित वनेका अवैध भवन र भौतिक निर्माणलाई संरक्षण दिने कार्य भएको छ । 

केहि वर्ष पहिला याम्दी खोलाको मापदण्ड मिचेर वनाएको रेस्टुरेन्ट उद्घादन गर्न आएका पर्यटन मन्त्री आनन्द पोखरेलले याम्दी दोहनलाई संरक्षण गरे । यस्तै पछिल्लो समयमा लेकसाइडको सेदीमा विमल वसेल सहितको टोलीले १८ तल्लाको अपार्टमेन्ट वनाउने निर्णय लियो । पोखरा महानगरपालिका वार्ड नं. ६ मा सेदीको उक्त भवन वनाउन स्थानिय सरकार र पोखरा महानगरपालिका कार्यलयको स्वीकृती अनुुमति केहि पनि थिएन जुन कुरा पूर्ण अवैध हुन्छ । 

गण्डकी प्रदेश सरकारका मुख्यमन्त्री पृथ्वी सुब्बा गुरुङ स्वयम उपस्थित भई अवैध अपार्टमेन्टको उद्घाटन गरे । मुख्यमन्त्री गुरुङले आफुले उद्घाटन गर्ने भवन वैध अवैध के छ भन्ने वारेमा कति पनि नसोच्नुले अराजकतालाई मलजल गरेको वृुझ्न सकिन्छ । 

यस्तै केन्द्रीय सरकार पनि स्थानिय तहमा आएर अवैध संरचना निर्माणलाई वैधता प्रदान गर्छन् । यसै हप्ता पोखरा–१० उत्तमचोकको ८ तल्ला भवनको होटल उद्घाटन गर्ने उपराष्ट्रपति आएका छन् । उपराष्ट्रपती नन्दकिशोर पुन पासाङको यो कार्यले पोखरालाई चिन्तित वनाएको छ । यसका संरक्षण पोखरालाई ध्वस्त वनाउने छ ।

विन्ध्यवासिनी भजन | सुन्ने वित्तिकै लाभ हुन्छ | bindabashini bhajan

प्रधानमन्त्री ओली टिचिङ अस्पताल भर्ना

प्रधानमन्त्री केपी शर्मा ओली त्रिभुवन विश्वविद्यालय शिक्षण अस्पताल (टिचिङ) मा भर्ना भएका छन् । केही दिनदेखि अस्वस्थ प्रधानमन्त्री ओली स्वास्थ्यमा थप समस्या देखिएपछि सोमबार बिहान अस्पताल भर्ना भएका हुन् ।

उनलाई सोमबार बिहान साढे २ बजेतिर टिचिङ अस्पताल पुर्याइएको थियो । उनको अहिले शिक्षण अस्पतालभित्र रहेको मनमोहन हार्ट सेन्टरमा राखेर उपचार भइरहेको छ ।

प्रधानमन्त्रीका प्रेस सल्लाहकार कुन्दन अर्यालले सामान्य स्वास्थ्य परीक्षणका लागि प्रधानमन्त्रीलाई अस्पताल पुर्याएको बताए । उनका अनुसार प्रधानमन्त्रीको स्वास्थ्य अवस्था जटिल छैन ।

प्रधानमन्त्री ओलीको उपचारमा अहिले मुटुरोग विशेषज्ञ डा. अरुण सायमी, निजी चिकित्सक डा. विद्या सिंह र छाती रोग विशेषज्ञ सन्त दासलगायतको टोली खटिएको छ । डा. सायमीले अनलाइनखबरसँग भने, ‘प्रधानमन्त्री ओलीलाई श्वासप्रश्वासमा समस्या आएपछि अस्पताल ल्याइएको हो । उहाँको स्वास्थ्य अहिले सामान्य छ ।’

डा. सायमीका अनुसार प्रधानमन्त्री ओलीलाई १/२ दिन चिकित्सकको निगरानीमै राखिनेछ ।  ‘आज बिहान फेरि ९ बजे हामी हेर्छौं, त्यसपछि के गर्ने भन्ने टुंगो लाग्छ । मलाई लाग्छ, अझै १–२ दिन अस्पतालमै राख्नुपर्छ’, उनले भने ।

प्रधानमन्त्री ओली अस्वस्थ भएपछि केही दिनदेखि घरमै आराम गरिरहेका थिए । स्वास्थ्यकै कारण उनी नेकपाले शनिबार आयोजना गरेको चियापान कार्यक्रममा समेत जान सकेका थिएनन् ।

निर्मला हत्या प्रकरण : एसपी विष्ट र इन्सपेक्टर भट्टलाई बर्खास्त गर्न सिफारिस

निर्मला पन्त बलात्कार–हत्याको छानबिनमा लापरवाही गरेको भन्दै प्रहरी प्रधान कार्यालयले कञ्चनपुरका तत्कालीन प्रहरी उपरीक्षक डिल्लीराज विष्टलाई निष्काशनको सिफारिस गरेको छ। 

प्रहरी महानिरीक्षक सर्वेन्द्र खनालले गत असोज २९ गते प्रहरी उपरीक्षक विष्ट र प्रहरी निरीक्षक जगदीश भट्टलाई सेवाबाट निष्काशन गर्न गृह मन्त्रालयसमक्ष पत्राचार गरेको प्रहरी प्रवक्ता शैलेस थापा क्षेत्रीले जानकारी दिए।

प्रहरी नायब महानिरीक्षक एवम् प्रवक्ता थापाले गृह मन्त्रालयले उक्त सिफारिस उपर आज निर्णय गर्न सक्ने सम्भावना रहेको बताए।

पर्वतका अनिश थापाले पहिरिए लिगलिगे राजाको श्रीपेच !

लिगलिगकोट विकास अभियानको आयोजनामा भएको नवौं लिगलिगे दौड प्रतियोगिताका विजेता थापालाई पर्यटनमन्त्री रवीन्द्र अधिकारीले श्रीपेच लगाइदिनुभयो । एक सय २२ जनालाई पछि पार्दै नेपाली सेनाका थापाले  श्रीपेचसँगै ६० हजार १ सय रुपैयाँ र मेडल पुरस्कार पाउनुभएको छ ।

सम्मानस्वरुप उहाँलाई पालुङ्टार नगरपरिक्रमा गराइएको आयोजक संस्था लिगलिग विकास अभियानका अध्यक्ष पूर्ण रानाले जानकारी दिनुभयो । दौडमा निर्धारीत दूरी ५८.४० मिनेटमा पार गर्दै बाग्लुङका तीर्थ पुन दोस्रो हुनुभयो । नेपाली सेनाका रामजी बस्नेतले ५९.२१ मिनेटमा पार गरी तेस्रो हुनुभयो ।

दोस्रो भएका पुनले ३५ हजार १ सय र तेस्रो भएका बस्नेतले २५ हजार १ सय रुपैयाँ पुरस्कार पाउनुभएको छ । प्रतियोगितामा  नेपाली सेनाका कृष्णबहादुर बस्नेत चौथो, सुर्खेतका पवनकुमार ओली पाचौं,  नेपाली सेनाका हरिकुमार रिमाल छैटौं, नेपाल प्रहरीका भूमिराज राई आठौं, जुम्लाका धीरबहादुर बुढा नवौं र सशस्त्र प्रहरीका गणेशसिंह ठकुरी दशौं भएका छन् ।

भेट्रानतर्फको दौडमा कीर्तिपुरका धर्म महर्जन पहिलो, ललितपुरका पुष्पलाल श्रेष्ठ दोस्रो र काठमाडौंका बैकुण्ठ मानन्धर तेस्रो भएको स्थानीय सूर्य क्षेत्रीले जानकारी दिनुभयो ।

स्थानीयका लागि भएको प्रतियोगितामा हर्मीका कमल

नेपाली पहिलो, हर्मीका सूर्य अधिकारी दोस्रो र खोप्लाङका दीपक नेपाली तेस्रो भएका छन् । स्थानीयतर्फ पहिलो, दोस्रो र तेस्रो हुनेले क्रमशः नगद २० हजार ५ रुपैयाँ, १२ हजार ५ रुपैयाँ र ७ हजार ५ रुपैयाँ पुरस्कारसहित ट्रफी र मेडल पुरस्कार पाएका छन् ।

त्यस्तै खुल्ला महिलातर्फको ५ किलोमिटर दौडमा सशस्त्र प्रहरीकी पुष्पा भण्डारी पहिलो, साुनमायाँ कार्की दोस्रो र प्युठानकी हुमी बुढा मगर तेस्रो भएका छन् । उनीहरुले क्रमश  २० हजार ५ , १२ हजार ५  र ७ हजार ५ रुपैयाँ पुरस्कारसहित ट्रफि र मेडल पाएका छन् ।

४०० वर्षअघि दौडेर लिगलिगे राजा हुने परम्परालाई जोगाइराख्न लिगलिगे दौडको आयोजना गरेको आयोजकले जनाएको छ । लमजुङका राजकुमार द्रव्य शाह चेपेघाटबाट लिगलिगकोटसम्म दौडेर राजा बनेका थिए । त्यही इतिहासको सम्झनामा गएको नौ वर्षदेखि लिगलिगकोट विकास अभियानले दौड प्रतियोगिताको आयोजना गर्ने गरेको छ ।

लिगलिगकोट विकास अभियानका अध्यक्ष पूर्ण रानाको अध्यक्षतामा भएको कार्यक्रममा सस्ंकृति पर्यटन तथा नागरिक उड्डयन मन्त्री रवीन्द्र अधिकारी, प्रतिनिधिसभा सदस्य चूडामणि खड्का, गण्डकी प्रदेश सदस्य हरिशरण आचार्य, पालुङटार नगरपालिकाका मेयर दीपकबाबु कँडेल लगायतको उपस्थित हुनुभएको थियो ।समाचार स्रोत उज्यालो